Kryesia e Partisë Demokratike e drejtuar nga ish-kryeministri Sali Berisha, ka vendosur ditën e sotme se me datë 12 korrik do mbahet protestë kombëtare përballë Kryeministrisë në orën 20:00.
Pas përfundimit të mbledhjes së kryesisë demokratike, ka qenë Luçiano Boçi ai që zbuloi për mediat se çfarë do kërkojnë përmes tubimit.
Boçi u shpreh se kërkesa kryesore do të jetë lirimi i menjëhershëm i kryetarit të Partisë Demokratike, Sali Berisha, pasi u shpreh se ai po mbahet në arrest shtëpie pa të drejtë.
Gjithashtu kërkesa e radhës lidhet me krijimin e kushteve për zgjedhje të lira përmes një qeverie teknike pa Ramën kryeministër.
Luçiano Boçi: Kërkojmë lirimin për liderin e opozitës zotin Sali Berisha
Shqipëria është iu vetmi vend që mban të burgosur kryetrarin e opozitës pa fakte dhe pa akuzë dhe nën urdhra politika
Përballë kemi një Ramë që përdor skalionet e krimit për të blerë votat, situata kërkon një rotacion politik dhe ne kërkojmë me anë të kësaj protestë krijimin e kushteve për zgjedhjeve të lira dhe të ndershme nëpërmjet një rrugë te vetme, krijimin e një qeverie teknike pa Ramën kryeministër.
